ألام بدون جروح و أشخاص بدون ذكريات

وين أنا ؟ وش ذا الظلام ؟ لحظه مين هذاك ؟ ...و فجاءه صارت تركض و تحضنه بقوووه : يبه اشتقت

لك الله يخليك لا تروح وتتركني أنا احبك كثيييير

الأب بحنيه : و أنا بعد بس ما اقدر أقعد

العنود وهي تصيح : بس يبه ما شفت أم الجن وش تسوي معي ومع الهنوف أنا اكرها كان ما

تزوجتها و فكيتنا

الأب بهدوء : العنود حبيبتي ما يصلح ذا الكلام تراها مثل أمك

العنود : بس يبه .................... وفجاءه صارت تتلفت يمين ويسار وتدور عن أبوها قامت من النوم

وقعدت تصيح من يوم ما مات أبوها وهي تحلم فيه راحت للحمام ( الله يكرمكم ) وتسبحت و

توضت وراحت تصلي بعد ما خلصت صلاه لفت ع السرير إلي جنبا وقالت بصوت عالي : الهنوف

قومي

الهنوف بكسل : اففففففففففففف طيب ( نومها خفيف )

و بعد دقايق نزلوا مع بعض وشافوا المها وسطام جالسين يسولفون

لفت المها عليهم وهي مبتسمة : هلا ولله يالتوأم

العنود ترد لها نفس الإبتسامه : هلا بك يا قمر

سطام وهو يقاله زعلان : و أنا يا حول محد معبرني ولا حتى مقدرني ترى أنا اسوى ذهب

الهنوف وهي مبتسمة : مو بس ذهب إلا أكثر منه أنت الزين كله

استحى سطام ووجهه حمر

العنود تستهبل : أحلى يا المستحي

المها بتحطييييم : أنا أعرف البنات هم إلي يستحون

سطام يقاله معصب : أففف منك كل شي البنات حشى لله

المها بعصبيه : إيه كل شي للبنات \ وتكمل وهي رافعه راسها بغرور \ البنات هم أساس الحياة

<<<<< تعجبني

سطام ببرود : أقول ورى ما تنقلعين أحسن لك ترى تفيدين ألامه العربية بقلعتك

المها وهي مطرطعة ( معصبه بقوووه ) : أساسا أنا بروح بكرامتي يلا الهنوف

وراحوا سطام لف ع العنود : وش ذا كلكم يا البنات مثل كذا عزا الله منيب متزوج

العنود بهدوء : ليش مهوم عاجبينك البنات هم أسا...

سطام يقاطعها : فهمت ولله فهمت \ ناظر ع ساعته \ تأخرت لازم أروح

العنود : اوكي باي

سطام : باي

بعد ما طلع سطام راحت العنود للمطبخ ولقت الهنوف والمها يطبخون الفطور (ماعندهم شغالة)

العنود وهي تطلع البيض من الثلاجة : ما شا الله فطور الساعة 2 أحبكم صراحة

المها بغرور : أول شي الفطورالساعه 2 مفيد

الهنوف تناظرها متعجبة : من وين جبتي هاذي المعلومة يا الفالحة

المها : من نفسي

العنود وهي تناظر البيض إلي تقليه : المها وين أمك وسلمان وسلطان

المها : راحوا لبريده عند جدتي لأنها تعبت شوي

العنود بنفسها : أبركها من ساعة روحه بلا رده

الهنوف : ومتى بيرجعون

المها تفكر شوي : أتوقع بعد أسبوع

......................................

مر الأسبوع بهدوء ورجعت حصة وسلمان وسلطان ونزلوا كلهم إلا العنود

المها وهي طايرة من الفرح : هلا ولله يمه كفيك وشلون السفرة

حصة وهي مبتسمة لبنتها : وه بس كانت روعة \ وكملت بحزن \ ياليتك كنتي معنا

المها : يمه أنتي عارفه أني ما أحب السفر بالسيارة لو إنكم سافرتوا بالطيارة كان رحت معكم

حصة : بس أهم شي كانت حلوه وتطمنى على جدتك وهي بخير \وناظرت الهنوف بكره \ و ارتحنا

من بعض الناس

الهنوف تناظر حصة وتبتسم و من جوى ودها تصيح : أهم شي أنك إرتحتي يا خالتي

العنود تنزل وتسمع إلي قالوه وبنفس الوقت تناظر حصة بإحتقار : إيه حتى حنا إرتحنا من بعض

الناس

سلمان يصارخ: عنيد عن قلة الأدب

سطام إلي كان مفهي : ليش هي قلت شي ؟

سلطان بهدوء : يالخبل هي سبت أمك

سطام فتح عيونه : احلف !!!!!

سلطان يهز راسه بهدوء : أف منك يالغبي

سطام : سليطين عن ............

حصة تقاطعه بعصبيه : لا تتهاوشون علشان ناس ماتسوى

العنود معصبه : وش قصدك

سلمان يروح عندها ويشد شعرها بقوه وهو يصارخ : انقلعي لغرفتك \ ويرميها ع الدرج بقوه وتمسك

العنود يدها إلي توجعها وتناظره باحتقار : الضعيف هو إلي يتقوى ع البنات

سلمان بيضربها بس سطام وقف قدامه ومسك العنود بشويش وودها لغرفتها والهنوف لحقتهم

العنود وهي تكابر : لو إنك تاركني كان طبيت ببطنه

سطام وهو يضحك ويمسك مقبض الباب : إيه كنت خايف عليه منك وبعدين طلع

العنود تلف ع الهنوف : ليش مار ديتي ع أم الجن

الهنوف ودمعتها نازله ع خدها : خايفه سلمان يطقني

سكتوا كلهم والهنوف قعدت تتذكر قبل خمس سنوات ........

نهاية البارت

يسلموا على القصة ..

الناعسة كتب:: يسلموا على القصة ..

العفوووووووو هذا واجبي ياغاليه

» يادنيا لاتقسي علي كفآيه جروح وعذابي لي